個案接收：2021年1月30日（星期六）20:26
《生命好寶貴 要珍惜一切》
[Flora]好開心、精神很好，說：
「師父，好多謝您！請您幫我同弟弟，同埋您啲徒弟講，仲有，Kudie、Ling、同Ivy！
對唔住， 師父，阻 師父食飯！
好多謝 祖師爺，好感恩！好多謝 二哥*同埋 表哥*！仲要多謝 然哥（ 法玄師父同修），同埋您個仔，唔記得佢個名啦！
好多謝 伏英老師公，同所有菩薩！ 二哥提我，好感恩！
師父，好多謝 師父對我哋不離不棄，轉眼走咗好多年，而家先有機會親自嚟多謝 師父！（善靈抱住 師父雙足，跪在地上。）
師父，我唔識講嘢，但係，真係好多謝，好多謝 師父！我愛您！師父，（靈在哭）我真係唔知講咩好，咁大個人，乜都唔識，淨係識擦鞋同睇人唔起。除咗呢啲，就係淨係識扮靚（又唔係扮得好靚），同埋同人比較。有時仲同幾個傾得埋嘅朋友講下是非，偷笑。
師父，一生人時間好長，但係轉眼就過咗去。仲係因為自己唔爭氣，諗埋一邊，阿梁（善靈在生時的丈夫）聽咗我講，我哋就一齊一失足成千古恨！
師父，未見到 師父嘅時候，諗住有好多嘢想同 師父講，而家終於見到面，咁近距離見到 師父，腦海一片空白，淨係識得講多謝。
師父，真係好多謝您，如果唔係 師父掛住我哋，仲想幫我哋超升嘅話，我哋可能仲有排都出唔到嚟。 師父，真係好多謝您！您老人家要好好保重，唔好成日捱夜啦！好傷身體㗎！我都好多謝 二哥，係 二哥帶我嚟，陪住我哋，我哋先可以咁近距離見到 師父。 師父，您瘦咗啊！唔係，係肥咗少少，都算精神。
師父，我哋好掛住您，但係又唔可以見到 師父，有時諗起 師父，我哋個頭就會好痛，再諗就再痛，越諗越痛。呢啲係懲罰！」
20:47 上壇。[Flora]見到 祖師爺像同法壇，肅然起敬，感動得快要落淚。
「因為 師父每次見到我哋都教我哋做人，成日提醒我哋要每日誦經，親近 祖師爺同菩薩，唔好學壞，學壞無得救。 師父，好多謝您，以前您唔嫌棄我哋蠢又懶，次次都費盡心思同我哋講道理，但係我哋淨係識得利用你。有事就搵您，搵到您就有救。平時懶得理你，呢個係事實，死咗就唔怕講，唔講 師父都知。多謝 師父無怪我哋，我哋咁唔聽話，揀咗一條最錯嘅路走，真係唔抵可憐。但係 師父仲反而好用心開解我哋嘅屋企人，教佢地點做，喺七七四十九日努力做功德俾我哋。我哋真係好唔爭氣， 師父無責怪我哋，仲諗係咪自己做得唔夠，仲為我哋流淚。喺七七四十九天嗰個時候， 師父仲念經迴向俾我哋，一邊念經一邊流淚，我哋都睇到。 師父嘅眼淚好晶瑩通透，為我哋咁無用嘅人流咗好多眼淚，好唔值得。我哋好感動，但一切已經太遲。
我曾經好大膽，抱住 師父雙腳，唔肯走，因為過咗49日，一切功德都收唔到。係 師父慈悲，為我哋做功德，教我啲屋企人印經書，食齋，同埋誦經念佛。雖然屋企人都好好，好彩真係聽 師父講，誦經100日， 師父更加唔止。如果唔係 師父咁樣幫我哋，又有 祖師爺嘅特別加持，我諗我哋有排都出唔到嚟。真係好多謝 師父，可惜一切太遲。無咗條命，原來仲辛苦過做人好多好多。 師父，我好後悔無聽您老人家講，做人要腳踏實地，唔好貪心，唔好賭錢。記得 師父同阿梁講退休好，退咗休跟住 師父去山區，做下慈善，得閒就同屋企人去旅行，打下高爾夫球，千祈千祈唔好入股貴賓廳參與賭業，無好下場。言猶在耳，可惜已經無得翻轉頭。
師父，多謝您無怪我哋，仲想幫我哋，我哋好感恩 師父！好多謝，好感恩 祖師爺、伏英老師公同埋 二哥，同埋 表哥，同埋 觀音菩薩，仲有好多佛同菩薩。 二哥同我哋講，係 祖師爺俾 二哥帶我哋嚟見 師父，親自多謝 師父。」
（見到[Flora]穿著全套白色衣服，手腳都有很粗鎖鏈鎖住。）
「師父，對唔住，俾 師父見到我咁嘅樣，整污糟 師父雙法眼， 師父，對唔住！
師父，當時我哋斷氣嘅時候，有諗過放棄，唔想死啦！但係，原來真係死到臨頭先至知驚，先至後悔，但一切已經太遲。因為我哋揀咗好錯嘅方法解決問題，放棄好寶貴嘅生命，成為罪民。
一斷氣，就好多鬼差嚟咗，請客都無咁快，遊魂野鬼都嚟趁熱鬧，企滿晒間房，成間屋都係，人哋唔知，仲以為我哋喺度搞Party，真係好多人非人，好熱鬧。鬼差好惡，我哋好驚，即刻上鎖拉人。我哋覺得身體好飄，但鎖鏈好重，知道自己無咗心跳，個人除咗驚，又覺得好平靜，四周圍啲空氣好似唔同晒，有好重濕咗嘅鐵味。四周圍好黑，同平時嘅天黑好唔同，黑得嚟好似有啲霧氣咁。無燈，但係睇到路，飄下浮下拖拖拉拉咁，好似好快，又似走咗好耐，去到一個無人嘅地方，都係好黑，空間好濕。頭先講嗰啲遊魂，鬼差唔俾佢地靠近，好快仲趕走晒，唔趕都走，八卦完唔走就會俾跟住到嘅第二批鬼差拉晒。所以，佢哋都鬼咁快走晒。
去到嗰個好黑又無人嘅地方之後，我自己一個人，都已經唔識驚啦！當時都唔知點解，已經唔記得有阿梁同個仔。一個人戇居居喺度等⋯⋯
其實唔知道等咩，亦都漸漸忘記（在世）家人同埋塵世上嘅事。唔知係好事定係壞事。而家記得翻晒，係 祖師爺批准我哋嚟見 師父，嚟之前問過我哋點解要見 師父？見到 師父想點？有咩嘢想同 師父講？仲問我哋記唔記得 師父咩名（法號）？咩樣？
師父，我哋真係覺得好醜，唔講， 師父都知道，我哋真係唔記得 師父咩名（大號），都唔記得 師父個樣。淨係識同 祖師爺講，呢個 師父好後生，好好人。 祖師爺再問，記唔記得 師父姓氏，當然，我哋後來知道 祖師爺知道我哋要見嘅係神仙姐姐您，特意考我哋，睇下我哋有幾想見，有幾真心。其實，神仙姐姐，我都係諗咗好耐好耐，先至記得我哋成班豬朋狗友背後幫 師父改嘅名。
過咗好耐， 祖師爺派咗 二哥嚟見我哋，我一見到 二哥，諗翻起好多 祖師爺誕嘅事，可惜，我都係參加咗幾年。講真嗰句， 師父都知，我哋心裡無 師父，真嘅，有事就第一時間諗起 師父，因為 師父有求必應，唔會同我哋無知嘅人計較。
我一路講嘅我哋，裡面有阿梁，同埋其他好想見 師父，想親身多謝 師父嘅「人」。 師父，好多謝您幫咗我哋，無私奉獻，無回報咁幫咗我哋同埋家人。 師父，我好想講，又唔敢講，我知道我無資格，如果有來生，我好想做 師父嘅徒弟，仲係貼身侍奉 師父嗰種。只有咁樣先可以報答 師父救命之恩。
師父，而家 祖師爺俾我哋跟住 二哥上堂，學佛法，學寫字，學規矩。我哋一班有大概三十人，有時一齊上堂，有時5、6個人一組，分幾個小班上堂。人齊有時26個，有時28個。犯規或做得唔好，就無得上大班。上大班係學規矩，因為生前任性，鍾意講咩就講咩，又睇人唔起，見高拜，見低就踩，完全無咩仁義道德。因為 師父慈悲嘅大迴向，同埋，最重要嘅係 祖師爺慈悲，俾機會我哋係陽上仍然有人功德迴向嘅，自己又真心懺悔想改過嘅，就會因應真心嘅程度，同埋珍惜機會嘅程度，上堂學嘢，考試過關，同埋得到特赦，向陽上講出自己嘅事或境況，論內容及悔過心而計分數，再分班學習，可以有機會重新做人，或動物，再嚟世間報恩、了業。
師父，多謝您，辛苦晒，請您幫我同弟弟講，唔好放棄，聽 師父話，俾心機學，家姐將來有機會做人，都想再同佢哋做一家人。以前我哋好少傾偈，都無一齊去過旅行，如果真係有下一世，家姐又有（好似生前咁有）條件，家姐想請你哋一家人去歐洲，一齊開開心心玩下。家姐無用，幫唔到你，你要爭爭氣氣做人，唔好諗埋一邊。唔講啦！
師父多謝您，請您老人家保重！請您幫我多謝 然哥，同埋您個仔，我記得啦，您個仔好靚仔又乖仔！多謝Kudie，同Ling，同埋Ivy！多謝 師父嘅徒弟，見到佢地咁乖，咁聽話，難怪可以成為 林法玄師父嘅徒弟。 師父，我終於記得 師父個大號，對唔住，其實係 二哥提我嘅……終於記得，真係記得。
感恩 祖師爺！感恩 伏英老師公！感恩 觀音菩薩！感恩 諸佛菩薩同護法！ 二哥教我講嘅。感恩 二哥同 表哥！感恩 守門護法大將軍！感恩我嘅家人、好友！對唔住，我哋做咗好錯嘅事，辜負家人、朋友嘅愛護，影響社會，做咗個好錯嘅示範。
最後要講嘅係：生命好寶貴，要珍惜一切。
再次感恩 師父！感恩 林法玄師父！多謝您 神仙姐姐！
南無阿彌陀佛
罪魂合十壇前拜退
22:42
（註）二哥：法尊先師，2017年得道，回歸 祖師爺淨土，日常仙務非常繁忙。
（註）表哥：2018年往生天界。
法玄師父的話：
願一切功德迴向［方月華Flora］、其先夫［梁國鴻］，及伴隨二人同時離世的其兒子[梁子豪]，得
祖師爺 先天六壬靈應普度天尊
伏英老師公
諸佛菩薩慈悲加持
萬緣放下
早生極樂淨土
願資料流通等眾
修行者 一切無礙
行善者 正念成就
先天知命六壬仙道壇
澳港傳教司林法玄謹致
延伸閱讀：
新聞連結：
香港輪胎大王梁國鴻自殺身亡
2008年09月11日06:49
9月9日，香港十大輪胎代理商之一、峰柏有限公司董事總經理梁國鴻“攜”妻子和不滿三歲的兒子在其粉嶺坪輋豪華大宅的衣帽間中相擁燒炭昏迷，一家三口送醫院搶救後返魂乏術。
現場消息稱，警員在事發現場的茶几上發現兩封遺書，梁國鴻在一封遺書裡透露因頑疾纏身而萌生死念，而在另一封留給家人的遺書內，則稱自己 “犯下大錯”，妻子決意相隨，兩人商量後，更認為幼子 “跟著父母最幸福”。
據稱，梁國鴻還在遺書中詳細交代了身後事、遺產及公司業務的安排等。
年少創業 資產曾過億
現年59歲的梁國鴻出身並非富貴，早年其父在港經營輪胎生意，梁國鴻子承父業，不到二十歲便入行做起了這門生意，起初由一間小車行做起，後來靠自己獨到的眼光和過人的膽識，以較高價錢收購不同品牌的汽車零件，終於闖出名堂，積累了自己的第一桶金。
據熟悉梁國鴻生前友人介紹，梁國鴻雖然學歷不高，但經商很有天賦，再加上其性格豪爽、勤力、講信譽，所以深得客戶信賴，生意也越做越大。經過多年拼搏，梁國鴻終於成就自己的輪胎生意王國，其經營的峰柏有限公司以代理日本知名的“東洋輪胎”而在業界享有盛名，成為香港十大輪胎代理商之一。精通日語的梁國鴻，被送綽號“東洋梁”，並因其商業地位被聘為港九膠輪商業聯合總會的名譽顧問。 多年下來，其財富積累早已逾億，上世紀九十年代香港經濟繁榮時期，梁國鴻曾在大埔康樂園買入三幢獨立的豪宅，當時市值就已經超過一億。
商場不順 走上不歸路
然而在輪胎生意上大發其財的梁國鴻，近年來卻在走下坡路。特別是面對其他輪胎品牌的強大競爭，梁國鴻的輪胎生意近年來不斷下降，經營陷入困境。業內消息稱，正是見輪胎生意停滯不前，梁國鴻便開始尋找其他營生之路。2年前，看到澳門賭業發達，開始染指澳門賭場的賭台，包起若干賭台招攬賭客，其中不乏香港富商。不僅如此，梁國鴻還親自落場豪賭，每次動輒豪擲數百萬元，後來還發展到網上賭博，結果泥足深陷，欠下巨債而無法償還。梁國鴻遺書中所稱的 “犯下大錯”或與其賭場落敗不無關係。
1,568 total views, 1 views today