2021年3月29日 （星期一）下午3時14分
罪靈哭着向法玄訴說：「我都唔想㗎， 師父！」
鳴⋯⋯嗚⋯⋯
罪靈哭喊着說：「我死得好慘，撻落嚟……死咗之後，真係魂飛魄散，好驚囉！但係驚又無用，因為於事無補。仲有，嗰啲， 師父有時叫（佢地做）善靈，有時叫ge le，佢哋好衰，佢哋謑*我哋新手*，撻落嚟嗰陣，佢咃會圍觀，拍手掌，笑。
我得15歲咋，都未成年。我羨慕（亡靈）有神主牌，我哋遊魂冇，（連）祖先位都坐唔到。
見到 師父係好驚，但驚都於事無補。我跟嗰個𡃁妹，跟咗好耐好耐，但有老嘢*笑我，話跟佢冇用，佢後面（有個 師父）好有料，會散㗎*，佢*好衰……我唔理佢，我仲要（繼續）等機會，冇辦法，因為想 師父幫我；仲有，呯！好響，一坺*散開。最衰係圍觀嗰啲*，話我死得未算樣衰，再衰啲仲好，唔怪得啲人話（佢地係）衰鬼*。
我等咗好耐（先至有機會見到 師父），（而家）二哥*趕我啦，話我肉酸。梗係啦，撻落嚟，散晒*，死得樣衰。我求咗好耐，你哋 祖師爺真係好，話 師父慈悲，幫唔幫到再講*，因為跌落嚟，靈都冇咗；好彩好多人燒金銀衣紙，有啲人念經，我哋都有少少著數⋯⋯其實好多人唔信，話 師父無料……又有人覺得 師父扮晒嘢。好多土地知 師父有料到，成日叫我哋搵 師父，但護法唔俾我哋入（壇）。土地好好，真係白鬚白髮，土地婆好靚好慈祥。
原來做人好好，你哋 師伯*食緊麵包，我哋好耐冇食嘢，風都冇得食，水都冇得飲，尿就有，啲人飲醉周街疴尿，又臭又餲*，好過冇；（有時）有做人感覺，（所以）好想飲水，但冇水飲，（唯有）尿都飲，尿黃黔黔*好臭，原來做人真係好好，唔應該自殺，唔係死咗一了百了，死咗冇彎轉，（又）冇食冇飲，無家可歸。
師姐，我好羨慕你哋⋯⋯你哋二哥好好（俾機會我見 師父），而家叫我走，話唔好阻住 師父，但 祖師爺俾我講，唔俾（嘅話），我都講唔到。（我）仲有嘢想講，（略去人名）個人好蠢，蠢都好，蠢人唔會呃人，呃人自己個心唔安樂，唔講啦，唔可以講咁耐，你哋 師父知我叫咩名，但 師父唔想落個名*， 師父話（叫我）ABC，是但啦，反正死咗都冇名，又冇神主牌。感恩，嗚⋯⋯嗚(哭)⋯⋯感恩 師父！感恩 祖師爺！感恩 諸佛菩薩！感恩 護法菩薩！感恩師姐！二哥教我講（嘅），我走啦，來生見到你哋我會好好多謝你哋，我走啦，我唔係有心整個超級恐怖嘅樣嚇你哋 師父，我已經好努力扮到好恐怖， 師父唔驚因為有料到， 師父話笑料。南無阿彌陀佛」
師父微信通話弟子法今筆錄
註釋：
謑 ：欺負，使人為難；含有盛氣凌人、威嚇之意。根據粵語漢語對照詞典，『謑』正讀 hai5, 口語讀作 haa1。白字多被寫作蝦/哈/呵人。
新手：寃死靈魂。
老嘢：老亡靈。
會散㗎：指如果被 師父施法打，寃靈就會魂飛魄散。
佢：指老亡靈
坺：根據粵語漢語對照詞典，粵拼 paat9。量詞，攤，用於糊狀物如泥等：一坺泥（一攤爛泥巴）；一坺牛屎（一攤牛糞）。
嗰啲：指寃靈。
衰鬼：同時用來形容好壞嘅人。
二哥： 法尊先師。
散晒：指人嘅軀體。
幫唔幫到再講：需要看罪靈接下來有沒有點點緣分同福報。
師伯： 法然師伯。
餲：形容氣味臊臭。
黃黔黔：坊间形容黄叫「黄禽禽」。
師父唔想落個名：因為 師父知道罪靈為何尋死，為了保住罪靈尊嚴，不想公開。
1,105 total views, 1 views today