《晴明錄》善靈阿燦說：好想跟住 師父學修行！
2020年10月9日 12:42
善靈阿燦說：
「師父，我係阿燦！ 師父唔識我㗎！係我搵到 師父，想 師父幫我，所以我一直跟住 師父。
師父，我唔係澳門人，係台灣人，喺澳門（長）大，算係半個澳門人。我走嘅時候56歲，身（邊）無一人。我喺澳門生活得過且過，唔算好差，但都係好一般。不過我有班「好」朋友，時時帶我去風花雪月，所以唔覺得孤獨。
師父，我好（法玄流淚）多謝您！覺得您好偉大。相對我覺得自己好自卑。好彩搵到 師父，多謝 師父幫咗我！
我跟咗 師父5、6年啦，有啦，真係有5、6年啦！喺近住塔石球場嗰條街， 師父去剪頭髮，我遠處見到好光，我又驚又喜。無見過（咁）嘅光，好唔同（平時見到）嘅光。當時我就喺髮型屋門口，痞喺度，同嗰啲無主遊魂傾緊計。啲光越來越近⋯⋯見到，唔係，其實係見唔到 師父個樣。只見到一束光慢慢移入髮型屋，跟住，成間髮型屋就散發光。我同啲「friend」講我唔得閒啦，大家散水（啦）。我就繼續喺門口等 師父。
等咗一段時間，門口聚集咗一啲唔識嘅「friend」，佢哋應該都係想嚟搵 師父求助。
之後， 師父出嚟，有 護法守住，冇一個埋到 師父身。我一路（遠遠）跟住 師父，跟到 師父住嗰度，喺樓下就大約知道 師父住邊層（樓），（因為）有佛光，有 菩薩在位。
我跟住跟住，見到 師父入屋，我就冇辦法喇！我幾大都唔走，有時喺樓梯坐喺度等⋯⋯係， 師父見過我幾次，冇理過我， 師父見到坐喺樓梯嗰個就係我啦！多謝 師父冇趕我走！多謝 師父！好多謝 師父您老人家！
師父，我好想學道，好想跟住 師父學修行！但係知道唔可以咁樣。 師父，多謝您！多謝您老人家幫咗我哋好多，送咗好多經咒俾我哋，我哋好多謝 法玄師父！
師父，您老人家要保重，我有機會，一定會報答您老人家！多謝 師父！祝福 師父合家平安快樂！祝福師兄師姐們道念增長！
師父請保重，天氣涼了請加衣！攰就休息下，唔好咁操勞！大家好需要 師父。 師父請保重！多謝 師父！
感恩 祖師爺、菩薩同二哥師尊！南無阿彌陀佛」（13:09）
法尊先師說：「 師父累了，其他善靈退下吧！」
1,227 total views, 1 views today