法玄師父攝
[Flora]再來找 師父
2021.7.30（星期五）00:43
深夜，賀誕前奏工作剛暫停，準備做功課。
已是凌晨，家人早已熟睡。街道的汽車聲，鄰居電視聲，上下樓梯聲，彷彿可發聲的都貼上了休止符，了無音聲。就在突然感到非常寧靜的瞬間，「見到」漆黑一片的異度空間裏，有幾個善靈在排隊，乖乖的，靜靜的，沒神沒氣的排着，等着⋯⋯
排在隊頭的一個女善靈，很面熟。女善靈突然跪在地上求二哥放行，讓「她」面見 師父。哭着哀求，又拜又求，看清楚些，原來女善靈是[Flora]，年輕了些，樣子也清了些。
[Flora]向二哥說一定要見 師父，二哥守住，不放行。法玄見到[Flora]苦苦哀求二哥，知道是有話要說⋯⋯
祖師爺慈悲，二哥也就放行。
[Flora]哭着說：「 師父， 師父啊， 師父！多謝 師父幫咗我，又保佑我細佬，佢哋一家移民好順利，真係好多謝 師父！
師父，未見到您老人家，我好掛住，諗住好多嘢想同 師父講，但係而家見到又唔知要講咩好。多謝您，感恩您！ 師父啊， 師父！我⋯⋯我好掛住個仔，無晒消息，唔知佢而家點。 師父啊，您幫下我，幫下我個仔啦！亞梁（我）都係無見過，都係唔知佢點。知道 師父一直有念經迴向俾我哋同埋好多有緣人，但 師父，上次 祖師爺俾我見您，見完您，我好多生前嘅嘢都大部分記得番，記得自己有個老公同有個仔。但係一直無消息，（哭着求） 師父，請您幫下我哋啦！我有望揾番佢哋，如果能一家人再一齊就好，多謝 師父。我同亞梁當時嘅決定，都係唔想一家人分開，唔想兩公婆走（自尋短見），就賴低個有少少問題嘅仔，嗚⋯⋯嗚⋯⋯
但係，原來死咗係唔可以喺埋一齊，仲要一開始嘅時候，完全無晒記憶，唔記得自己有家人，好多人間事都唔記得。嗚嗚⋯⋯
師父，我而家好啲喇！自從上次見咗 師父， 師父又幫我做功德，仲將我見 師父講嘅嘢登埋上網，我知道有啲人睇咗講粗口，話有無攪x錯，咁都得？係唔x係呀，扮x晒嘢，信嗰個都白痴，痴x線。
但係有好多人都信，信有因果，信有輪迴，信無奇不有，感恩 師父！功德無量！
師父，上次見咗 師父，講完晒， 師父登上網之後，大約十四、五日，有侍差嚟見我，問我想唔想輪迴再做人，我當時猶疑咗一下，無即時反應，之後就戇居居望住侍差，侍差好好「人」，又講一次，同我講想唔想再做人，我先至醒醒地，同侍差講，多謝！多謝！唔知我而家喺咪可以去投胎？
侍差話：未得，無咁快，我係被派嚟問你，睇吓你而家狀況點樣，如果清醒，問你問題，你又答到，我就返去向上頭報告。上頭會根據你意願，又睇下你功德夠分未，手續都繁複。但據我所知，（投胎做人）機會係有嘅。會一步一步嚟，按程序做，你唔好急。
師父，我聽咗之後好開心，知道有機會做人，唔使去畜道，真係估唔到，無諗過，諗都唔敢諗。
01:20 師父對唔住，咁夜嚟揾 師父，知道就嚟賀 祖師爺誕， 師父真係好忙，頭先（咁夜）仲出去請野（買東西）， 師父唔想我講，唔想（師父）弟子知，但係我覺得大家都應該知，（哭着）我哋 師父真係好好人，事事親力親為， 師父， 師父⋯⋯ 師父啊！如果真係有來生，我好想做您嘅弟子，跟 師父學修行。但係，我知道自己無資格，因為生前唔珍惜，唔尊重，無資格做 林法玄法師嘅弟子！我真係好慚愧，又覺得自己好肉酸，舊事重提，仲更加覺得自己樣衰，無資格。 師父，識咗 師父咁耐，都無真心真意請 師父食飯，更加無真心真意聽 師父講道理，講人生，淨係有事就求，冇事就懶得理你，越講就越覺得自己樣衰。 師父您真係好大方，終於真係明白乜嘢叫做高人，係與世無爭，唔會同人斤斤計較。 師父，原來我好幸福，好有面子，識到您，仲有您老人家護持，真係好有福， 師父，請您多多保重，唔好咁辛苦喇，我哋都擔心 師父，想 師父安享晚年。 師父，我哋真係無用，講錢有大把錢，講心一啲心都無，淨係有事就求⋯⋯
師父，唔好難過，為我哋咁無知嘅人流眼淚，好唔值得。
師父，真係要多啲休息，好多人需要 師父。 師父，請您老人家保重！來生如果做唔到 師父嘅弟子，又做唔到親戚朋友，我都唔知點樣先至可以報答 師父再生之恩、救命之恩。 師父， 祖師爺話我可能好快有機會投胎做人，但係功德未夠，所以俾機會我再見 師父。 師父，求您幫下我，雖然我無資格再做人，因為前生放棄自己條命，咁寶貴嘅命都唔要，真係無資格求 佛菩薩俾機會我再做人，再從頭嚟過。但係，如果真係有機會再做人，我先可以將功贖罪，要報答所有幫過自己嘅人。起碼，我要做福社會，就算嚟緊一生係中下階層嘅人，我可以做義工，做好人，幫人。
師父，另外，真係想 師父幫我，我都好想亞梁同個仔有機會面見 師父，等 師父幫下佢哋，等佢哋早啲脫離苦海。 師父，我無辦法，真係無晒辦法，所以知衰，知醜；唔係，係唔知醜，厚面皮，但係除咗求 祖師爺，求 觀音菩薩，原來最終都要求 師父，先至有機會超生，重出生天。 師父，二哥催我，係，好夜啦， 師父仲有好多嘢做，聽日又會好忙，唔好阻 師父咁耐。
師父，多謝您，感恩您，祝福您！
感恩 祖師爺！感恩 伏英老師公！感恩 諸佛菩薩！感恩 二哥！感恩 法玄法師！感恩感恩！
請 師父幫我！求 師父幫我！（合十不斷向法玄拜謝）
二哥押解[Flora]離去！
法玄誠心
感恩 祖師爺！感恩 伏英老師公！感恩 諸佛菩薩！感恩二哥！
願有緣人隨喜功德迴向：
[方月華]([Flora])與眾善靈得受加持，萬緣放下，誠心修學，早日圓滿，得 佛接引
往生極樂淨土；如轉生人道，有緣學道學佛，勇猛精進，當生成就不退菩提！
南無阿彌陀佛
林法玄
1,457 total views, 1 views today