2021年11月3日（星期三）晚上9時46分
「小女孩」：「師父⋯⋯」
「小女孩」的金色長髮有點蓬鬆，兩邊近前額有少撮微波浪紋，「她」哭着，叫：「師父⋯⋯您幫下我喇！我覺得好無助，好辛苦。 師父，我其實好乖㗎，係發生咗控制唔到嘅事，我好似失控咗咁。所以，家人以為我精神有問題。
綁住我嘅手腳，係唯一方法（控制住我）。
但佢哋唔知，我覺得係好大侮辱，我好嬲，真係好嬲，嬲到想殺死佢哋。
（「小女孩」這想法是極之錯誤的，應該誠心懺悔，否則，會種下萬刧不復的惡因。）
係， 師父知道，真係好厲害，（我）係有嘢，但佢哋（惡魔）目標都唔係我，係我媽媽。嗰啲惡魔，原本係要對付我媽媽，但當時媽媽時運高，惡魔無計可施。
當時（未出事前），我鍾意一個人玩，坐埋一角自己玩公仔，鍾意同公仔玩，一邊玩，一邊講心事。
公仔好乖，靜靜聽我講，有時同我笑。我同公仔玩得好開心，笑笑笑，家人話我傻咗，見我對住公仔就笑，家人跟我說話都聽唔到。
師父，惡魔其實唔係咁惡㗎，佢哋有時都好友善，本質唔差，都係環境因素做成。
師父，剛才您都睇到（我離世之後），係，我穿着米色長袍，時時屈膝蹲在牆邊，垂頭喪氣。我講唔出點解，可能太悶，太唔開心。應該話，開心感覺係點樣，我都忘記咗。 師父，多謝你哋俾機會我！我可以同 師父傾偈，我好開心。雖然東南西北，相隔好遠好遠。但靈魂係無阻隔嘅。不但沒地域阻隔，沒語言障礙，也沒時間嘅距離。
只要連到線，我就有機會逃出生天（等待輪迴）。我等人救我，幫我，等咗好耐好耐。
有神父、修女都嚟過，都係想收（伏）咗我，唔係嚟幫我，但佢哋無人能夠做到；收唔到我，俾我嚇親嘅人都唔少。我都唔想，我只係想佢哋聽我講嘢。有人想感覺下係咪真有靈體在，我只係順應要求，幫佢哋。我會拍下佢哋，摸下佢哋，（嚇佢哋）同佢哋玩下。
唔係人人都感應到我哋嘅，係佢哋能量弱，好細膽，或者個人（品）好衰，先至會感覺到，甚至見到我哋。
留係嗰度太耐，我好唔開心，覺得好辛苦，好無意思。一切都唔係我想像中咁樣，真係好辛苦。
我好想再做人。做人有好多好玩嘅地方，可以走來走去，可以瞓覺同返學，可以食嘢，可以喊，可以笑，可以長大，可以變老，可以有朋友，真係好好。
師父，多謝你，希望你哋個個開心、幸福。多謝晒！
師父，如果可以⋯⋯我話，如果，如果真係可以，我想，跟住 師父，睇下你哋嘅世界（同埋生活），我想，如果可以，我都會做得好好，都一樣幫到人。
係嘅， 師父，俾你睇到，我前一生係女巫，係個好貪錢，品性好差嘅女巫，仲時時破壞他人家庭幸福，破壞人好事，簡單講，中國人講嘅，十惡不赦。
害我嘅惡魔，喺嗰生（前生，我做女巫嗰生），俾我害到雞毛鴨血。佢好深仇大恨，（就算我已經輪迴）事必要搵到我，要血債血償，要我求生不得，求死不能。我都係知道無耐（原來前生同惡魔有寃仇）。知道之後，我無再怨佢，仲覺得難怪自己無端端遇到惡魔，遇到咁悽慘嘅際遇。
師父，我同你哋 祖師講咗想跟住 師父，我填咗表格，但未知得唔得。但無論如何，我都想多謝 師父同 師父嘅徒弟。多謝大家，多謝，多謝好多覺得我好慘嘅人，與此同時，要同被我嚇親，俾我捉弄過嘅人講聲：『對唔住，對唔住，請原諒我嘅無知！』祝大家幸福快樂！
師父！ 師父！ 師父！
好，我要再次多謝 師父！多謝你哋 祖師同菩薩，仲有您哥哥（法尊先師），仲有（天）兵（天）將，多謝天使同神仙！
最後，都係多謝 師父，多謝大家！
再見， 師父！」
23:35 畢
1,090 total views, 3 views today