2022年3月14日 晚上6時
在社交平台上看到[德]家人發文，大意是：[德]二O二二年三月十三日離世。
剛剛看罷[德]的離世消息，很快⋯⋯
[德]說：「師父！多謝 師父！多謝 法玄師父！
請 師父您老人家幫我同屋企人講聲：『我好好，我而家覺得好舒服，完全唔痛，無唔開心，無唔捨得，（因為）已經賺咗。』
（法玄）師父成日同我講，要俾心機念佛，要誠心求生淨土，要一心一意，千祈唔好亂，一亂就墮入惡道。終於真係明白！
多謝（法玄）師父！我差唔多走（離世）嘅時候，有一個男聖者嚟，企喺我（病）床邊，叫我唔使驚：『我係 法玄師父嘅（親）二哥，又係 師父嘅弟子， 師父好早已經幫你入紙（上禀）你離世時，請 祖師爺、諸佛菩薩接引你。所以， 祖師爺安排我嚟接你。你唔使驚，你保持念佛就可以了。』（[德]即時誠心合十）
師父啊⋯⋯嘩，個壇好莊嚴！（我都跟 師父叫 二哥）唔係 二哥帶我嚟，我都未必入到壇。我仲（笑着說）見到然哥誦經，條友仔真係好得個喎（笑容有點取笑成分）！唔係呀 師父，我係覺得條友仔認真起上嚟，同我平時識嘅、見嘅佢真係唔同，係好唔同，（做2手勢）係兩個樣。
師父啊，唔講咁多喇，我嚟，主要係多謝 師父，同埋向 祖師爺磕頭，多謝 祖師爺同 菩薩！ 二哥教我講係感恩！
師父，唔該您幫我同屋企人講，多謝佢哋一路以嚟嘅陪伴！今生同佢哋做家人，我好幸福！我好愛我老婆。但 師父教過我一定要放下，愛要昇華，（咁樣）對我老婆同對我自己都（會）好。多謝 師父！
個女，我唔擔心喇，有人錫，有人愛，大家（個女兩公婆）要好好哋！『阿女，你就唔好再係咁刁蠻喇，兩公婆要相親相愛！我將阿媽交俾你哋喇！如果，（我）老婆將來遇到有緣嘅人，又好愛自己，犀利過我，好過我對你咁嘅話，就一齊啦，我無所謂！我聽 師父講，要一心求生淨土。』
二哥嚟接我（之後），我先去（上界）禮拜咗你哋 祖師爺！又禮拜咗 觀音菩薩；二哥又帶我去 師父個壇。
同我家人講多兩句就收線（離去）喇！
多謝 師父！感恩 師父！師父您好勁！師父，要多啲休息，唔好咁操勞。師父，真係好多謝你！我愛我嘅家人，我會返上去，第時（日後）有緣，一家會再見。（ 師父教過我，同我講過。）
感恩 師父！
多謝我最愛最愛嘅家人！
[德]很莊嚴的合十
師父，仲有，你個仔都幾靚仔喎，（而且我知道）佢仲係好乖！（豎起大拇指）好孝順！犀利！犀利！
師父，我走喇，您老人家要保重，唔好捱壞身體，多謝 師父！感恩 師父，多謝然哥同埋個𡃁仔（師父個仔），好喇！走喇！」
[德]誠心合十，神態輕鬆自在的，轉身，跟着二哥和幾位護法離去。
18:38畢
南無阿彌陀佛
註： 法玄師父與[德]認識多年，[德]生前是一位髮型師，前衛，新潮，且為人樂觀善良。
延伸閱讀：《晴明錄》無事係咁先
793 total views, 1 views today