2022年2月28日 中午 12時30分
05:35 休息
08:15 陰天 15度
準備做功課。累，再休息。
09:34 接到弟子告知：工人d姐突然暈咗無反應無心跳。
「見到」有很強惡魔在工人身邊，還有幾個級數低些站開一段距離。告訴弟子要保持念佛；也要告知他家人不要出街，保持念佛。
09:53 突然想起。今早8點幾再睡，夢中與魔決鬥，幾個魔頭圍攻師父，大打一輪。魔頭銅牙利齒，力量超級強大。一輪大戰，雙方沒有勝負；但感極疲累。
10:20 聯絡弟子，告訴他：「（放心）二哥先師和護法在你身邊！你要保持念佛。」
10:40 「見到」二哥先師同d姐說話時，d姐（神識）好呆滯。她知道太太好錫自己，出事後誦經迴向給她時，還跟她講「唔使驚，會念經念佛祝佢快啲好番」。
d姐人好昏沉，要靠自己有求生意志才行。
10:45「看到」d姐（仍然昏迷，她的神識）見到好靚景象。
10:53 法玄去「睇」d姐，同d姐講：「我係你先生（工作主人）嘅師父，你唔使驚，好多人都想你快啲好番。你要加油！」d姐神識好啲，聽到，明白，但好弱。法玄告訴弟子：「我們要等，d姐明白師父講嘅『好多人』係你和太太，同埋d姐家人。」
11:55 弟子留言：「醫生剛說，d姐嘅情況好差，強心針已經打咗，冇其他嘢可以做，睇佢自己。」
12:07 弟子留言：「d姐要走了。」
12:28 弟子留言：「 師父，d姐離開了。(合什)」
12:29 法玄剛誦完經。見到[d姐]好開心，合掌多謝師父。
告訴弟子：「大家唔使擔心，[d姐]去到好嘅地方。大家保持良好心態；[d姐]好好。盡量唔好喊，免得影響[d姐]唔捨得，番唔到上去。」
d姐往生後，「見到」[她]很年輕很精神，證明得咗，成就咗，番到上去。
12:30 [d姐]有話要說：「師父，多謝您！多謝先生同太太！我好好，大家唔使擔心！請先生同我家人講，我好好，你哋唔好擔心！」
見到d姐臨走之前掛住恒恒，她意念摸了恒恒個頭，有不捨和祝福的意思，希望恒恒俾心機讀書。將來（來生）有機會再見。
「師父，我今生好滿足，可以認識 師父，我頭先見到 二哥（先師），因為唔識佢，同埋當時我狀態好差，我無咩反應。 二哥（先師）同我講係 師父二哥，叫我唔使驚，問我想留低定想去好嘅地方。我（當時）唔明，我皺住眉頭，無答，唔識答。 二哥（先師）話唔使急，你諗下先，但唔可以諗咁耐，機會過咗就無。我諗一諗，明白 二哥（先師）講嘅意思。我又好快，覺得個人好舒服，又見到好靚好靚嘅景象，個人開始輕飄飄，好開心。好快，個天好光好光，光亮又唔刺眼，有一種好特別嘅感覺，好開心好開心，講唔到點解咁開心，講唔到開心到咩程度。係從來未試過咁開心，個人好舒服，好輕，好自在，無辦法形容。
師父，好多謝您！我好有福。雖然今生唔係大富大貴，家境唔係好，仲要離鄉別井。好好彩，先生同太太對我好好，對我好似家人咁。我時時都同鄉里、朋友姊妹講，我唔似打工，因為有家嘅感覺。雖然，有時太太好大聲講嘢，但我唔會覺得係鬧我。我好感恩，可能，有好心有好報。我對人都好好㗎，不過我唔識賣口乖，唔識講嘢氹人開心，但我唔貪心，所以，好多人對我都好好。
我好多謝家人，但突然離開，要令家人傷心，我真對唔住，我唔想（咁㗎）！但係，中國人講人生無常，呢個係事實，我哋要接受。希望家人唔好傷心。
先生、太太，多謝你哋！我好幸運，能夠同你哋一齊生活，我學識好多嘢，見到恒恒同妹妹長大，我覺得自己好似你哋家人一份子，一齊笑，一齊食，真係好開心。多謝你哋！要你哋幫我執手尾（衣服雜物及幫手安排後事）真係過意唔去。我去到另一個國度，會繼續祝福先生一家人平安。先生，唔好咁夜瞓，收工就早啲休息，身體要緊。對唔住，我只係你哋嘅工人，我無資格講咁多。但係，我走喇，我真心希望你哋一家人都好。先生，真係多謝你，多謝太太，多謝兩個小朋友，多謝你哋鄰舍、親朋、好友！」
（d姐跪在地上誠心合十，三拜禮謝法玄。）
d姐說：「 師父，您個壇好靚，好靚。多謝您哋 祖師同菩薩！多謝 師父！多謝先生同太太！再見啦！」
[SUTIAH] d姐很開心，合十後退。
勸勉弟子：縱使不捨，知道[d姐]去到好地方，我們應該為之感恩，好好祝福[她]。
13:06 記錄畢。
南無阿彌陀佛
註：[d姐]，印尼外傭，是一位十分虔誠的回教徒，每日依時誠心參拜；身體一向健康，無病無痛的[d姐]對人友善，工作盡責。月前在工作了16年的僱主家中暈倒，送院後往生。
1,293 total views, 5 views today