感恩 祖師爺慈悲！
2022年8月31日 下午5時14分
與幾個女弟子在素菜館下午茶聚。期間，法醒突然說：「 師父啊，有啲嘢，唔知講唔講得呢？」
-「講啦！」
法醒：「係咁嘅， 師父，我個女曼華（8月29日晚上）發咗一個夢，好神奇。
夢醒之後，去完洗手間，打電話俾我。因為個女聽我講過，我媽（曼華婆婆）教過我哋，如果發到嗰啲（唔好嘅）夢，（起床）如廁後先好講出嚟。
曼華即刻打電話俾我，話尋晚發咗個夢，見到（潛水離世朋友）⋯⋯」
下午5點16分
就在這時，法玄隨即「見到」這位潛水身故善靈，全身黑色，頭髮好直，薄薄的貼住個頭，好貼好貼。這善靈（得到特准）站在法玄左邊身後則，很近很近。善靈很有禮的，雙手放前面，靜靜的站在法玄身旁。然後彎着身子，向靠牆而坐，在法玄對面右邊位置的法醒說：「多謝Auntie！」
不想打斷法醒轉述女兒的夢境，「見到」善靈現身，法玄輕輕看了手機，記住顯示屏上（上述）的時間。
法醒：「個女發夢見到[嘉慧]時（同佢）講，『仲話約埋一齊飲茶。』
[嘉慧]：『好⋯⋯（但係）傻豬，唔可以呀，我攞咗死亡證喇！』」
法醒：「曼華聽到[嘉慧]話『攞咗死亡證喇！』突然嚇一嚇，喺夢裡面彈出嚟，醒咗。醒咗之後，諗起仲有事想問[嘉慧]，即刻瞇埋對眼再瞓，試下續夢。
曼華好快瞓着，又再見到[嘉慧]，然後（以好柔和嘅聲線）問：『[嘉慧]豬，點解會咁嘅？發生咩事呀？』
[嘉慧]：『我落水之後，暈一暈，飲咗兩啖水，都趕唔切㩒個掣（浮上水面）。連㩒（掣）嘅機會都做唔到，之後咪咁囉！』
[嘉慧]：『得㗎啦，你唔使掛（心），我知道（你哋有心）㗎喇！』」
曼華從夢中醒過來，對這個十分真實的夢境「感到很神奇」，隨即告知媽咪（法醒）。
意外離世日子尚短，能夠向朋友報夢作一個簡單而直接的交代，並與法門連線，是極不容易的事。逝者已矣，願[嘉慧]萬緣放下，早登極樂！願其家人親友或有緣人廣修功德，迴向[嘉慧]，助其早日超升！願[嘉慧]家人親友及有緣者平安大吉！
南無阿彌陀佛
註：[嘉慧]，2022 年6月4日，於珠海江門市大帆石海潛水離世。
延伸閱讀：
638 total views, 3 views today