2022年10月27日 00:22
很開心的「他」微笑着，很自然的輕輕柔柔的擺動身體：「 師父啊！好得意啊！點解可以咁嘅（眨眨眼笑）！
師父啊！我都走咗好耐喇！無咩人記得我㗎喇！應該係話，識我嘅人走得嘅都走咗，未走嘅都有番咁上下年紀，老咗唔係掛住病要成日睇醫生，就係掛住玩（襯仲有命）。後生嗰批（歌手）唔識我，識都只係聽過下我個名，同埋聽過曾經熱爆嘅主題曲。
師父啊！係我聽到有 二哥呢個大名，覺得好好玩。（覺得）可以同 師父連線，講啲秘密嘢，自己就可以升呢（Level /級數），真係好好玩，好得意。所以我就去搵 二哥，同 二哥講，我又想玩。 二哥好嚴肅咁同我講：『唔係玩。唔好以為係玩玩下咁，咁諗係好無禮。』
我即刻同 二哥講對唔住，我唔係咁嘅意思，我唔識點講，失禮晒。 二哥，唔好嬲，原諒我呢個淨係識唱歌，唔識講嘢嘅人。真係好對唔住。
二哥即時放輕鬆番啲，同我講：『得㗎啦，搵得我，都係想搵 法玄師父啫，知㗎喇！幾時可以見 師父，我而家答唔到你。你等下先啦！』
我即時多謝 二哥，話『唔該晒』。我其實只係好奇（同 師父連線）係點樣一回事，所以八卦下啫！ 師父，我而家都幾好㗎，咩都唔使做，有得食，有錢使，又唔使唱歌（唔通唱俾鬼聽咩），唔使練歌、排舞，又唔使拍嘢，好free（自由）。
我有時都落去（凡間）行下。覺得呢個世界變化好大，成個世界唔同咗咁。唔鍾意（而家嘅世界）。都係以前生活嘅年代好，肯做肯搏（命努力）就有好多機會。而家，十八般武藝都贏唔到起跑線。我係咪好犀利呢？而家嘅流行語我都識。
師父，我而家喺上界，但唔係佛界（淨土）。但都覺得好幸福、好自由。所以我間中會嚟陽間行下，（睇陽間新嘢）充下電（笑得好開心），我都有啲friend上咗嚟。但我哋唔係成日見，各有各上堂（學嘢）。
師父啊！唔講咁多喇，好夜喇，唔阻 師父休息。 師父請保重⋯⋯
『她』嚟探過我，我好多謝佢（咁關心我）！佢教我念佛，同我講淨土莊嚴，唯修得證。仲叫我問候 師父，多謝 師父掛念，多謝 師父功德迴向，話第日喺淨土見，到時會同埋 二哥，跟埋 祖師爺嚟接 師父。 師父請保重！
仲有，有個叫阿德嘅人，啱啱同我講，都係叫我幫佢同 師父打聲招呼，問侯 師父，請 師父唔好咁辛苦，要多啲休息。仲有，問 師父點解唔收𡃁妹做徒弟？𡃁妹係難教啲，但如果有機會俾佢跟 師父，佢（命運）先會有機會好轉同乖啲。
師父，多謝你俾機會我，聽我講嘢。（有無咩想同任何人講？）無喇，都係嗰句，好多人都忘記咗我，我都唔滾搞（騷擾）佢哋喇！明白嘅， 師父！ 師父唔想用我個真名或藝名，好啊！明嘅⋯⋯有緣人睇到，信嘅，就唔需要知道我係邊個，唔信嘅，鍾意攪是非嘅人就會犯口業， 師父唔想。
好，咁，唔好 師父費神幫我諗個名（化名）喇，等我諗下先，簡單啲就好，最好連識我嘅人睇到個名（化名）都唔知係我。咁，張三已經有喇，我又唔鍾意用李四，em……阿文喇，哈哈哈，我唔係玩嘢，（哈哈）夠普通。一於叫阿文。多謝 師父！感恩 師父！ 師父保重！我會俾心機跟 二哥學嘢，爭取生淨土，多謝 師父！多謝 二哥！
係，係感恩 祖師爺！感恩 祖師爺！感恩 師公同菩薩！感恩 二哥！感恩 師父同 師父嘅家人，佢哋真係好好，咁支持 師父！
師父！如果嚟得切，我真係修到，去到淨土，日後 師父往生，我都會一齊嚟接 師父！多謝 師父俾機會我講咁耐，感恩 師父慈悲！後會有期，（合十）南無阿彌陀佛！
（仲有好多人想搵 師父啊！）
01:21 畢
698 total views, 1 views today