2023年3月26日 02:19
法玄剛睡夢正濃時，突然醒來。
原來，離世三十多年的先外婆突然到訪。
先外婆：「大妹，我係阿婆呀！好多謝你念經俾我，好快我就去西方淨土喇！
時間過得好快，我走咗（離世）好多年。
其實，生前同死後都無聽過極樂淨土嘅事。好彩，我喺天界，都一段日子，好開心，咩（甚麼生前事）都唔記得，真係好開心！直至你功德迴向俾我一段日子之後，有位菩薩同我講：『你想唔想斷六道輪迴呀？』
因為未聽過，唔知咩叫輪迴。再投胎，唔通係？（難道是再投胎做人？）唔明，所以向菩薩請教。多謝菩薩，好有心機解釋過我聽，教我！
係，唔講咁多喇，嘈醒你無得瞓𠻹！
係，仲有，我見過你（先）亞媽喇，好叻女呀！叻過我（去咗淨土）！
係，我好快斷六道輪迴喇！（先外婆合十）今次嚟係要當面多謝你，祝你心想事成，家庭幸福！同我多謝你老公啦，佢好乖仔，（嗰年，1985年林家婚宴，我已經好老，飲宴離席時）佢孭過我，（知道我老到行唔到，由坐位孭我落樓坐車，）我唔會忘記。祝佢身體健康，幸福美滿！
我要返去喇，多謝你啊！你要保重，唔好咁夜瞓，保重！同埋，幫我多謝你個仔，佢好乖，咁錫你哋！我好多謝佢，我好開心你有個咁孝順嘅仔，真係好心有好報，真係好！
好喇，我走喇，你保重啊！第日（他日）淨土再見。
南無阿彌陀佛
先外婆合十拜退
（跟先二哥離場）
02:39 畢
453 total views, 1 views today