攝於江西龍南
2023年4月9日 18:28
澳門殯儀館
善靈［黎亞超］哭着：「 師父，我好慘㗎！
係佢（前世叫亞嬌），呢個人，無良心，佢話過會幫我，會對我好，但係，講一套做一套。我哋本來住埋同一條村，由細玩大。
因為家環境唔好，我心急揾錢，學人偷呃拐騙，學人賭錢，仲做埋老千。
千錯萬錯，錯在自己貪心。終於遇到高手，識穿我，要我賠錢。天文數字，我跟本無辦法；突然，諗起亞嬌。亞嬌嫁咗個有錢佬，大富翁，大把錢。我走去搵亞嬌，同佢講我嘅事，一五一十咁講（說明所有）。
亞嬌應承會幫我諗辦法，但就攪掂之後，我要帶埋佢走，離開個大佢二十幾年，毫無感情嘅老男人。我當時咩都唔知，淨係識錢，咩都應承咗先，唔理咁多。
師父，唔想阻你，喺咁嘅場合（殯儀館），要騷擾 師父。但機會難得，千載難逢，我唔想錯過。
師父，講番件事先。亞嬌係真係（喺屋企）攞咗好多錢同金銀手飾出嚟。我哋（深夜）喺約會好嘅地點等。點知一班家丁攞住火把追到嚟，綁住我，上晒鎖。
亞嬌好得人驚，變咗第二個人咁，佢同佢老公講話係我氹佢，教佢喺屋企攞晒啲值錢嘢出嚟，帶佢離開呢個家。
師父，我被佢哋拉咗（帶返佢吔大宅）之後，毒打，皮開肉綻，又唔死得，當時我真係好恨（亞嬌）佢。
多謝 師父咁有耐心聽我講，我（講晒出嚟）而家舒服好多，多謝 師父，多謝主家（先亞Dee）！
對唔住，今日喺咁嘅環境阻住 師父！
師父，我會；我會放下過去，我會試下徹底原諒亞嬌。希望亞嬌可以聽 師父講，俾心機做功課，好好念經念佛。我想⋯⋯我希望亞嬌，49日做功課迴向俾我往生淨土。
師父多謝你，唔該晒，感恩 師父！（善靈流淚）二哥嚟帶我走啦！」
［黎亞超］合十向法玄禮謝，再向往生者先亞Dee (主家） 祭祀枱方向禮拜，後退，跟着二哥從禮堂大門口離開。
先亞Dee隨即走過來，誠意的多謝法玄幫了妹妹亞眉（亞眉的前生是亞嬌）。
18:56 畢
……………………
姊妹情深 代問原因
今晚，法玄與同修法然師兄到澳門殯儀館，出席先亞Dee（郭女士）的辭世禮。先亞Dee是法然師兄的表妹。
認識亞Dee是1985年的事，時我們都很年輕。第一次見到亞Dee，印象很是深刻。當時她大約30歲左右，身高約1.68米，樣子很美， 五官輪廓鮮明，甜甜的笑容，嬌聲細語，說話不多，大方得體。亞Dee對長輩很孝順，對親友很友善，是一個人美心善大好人。
法玄入法門之後，潛心修行，很少與人來往。雖然從此少見，但間中也會收到亞Dee的電話，互相問候，閒談聊天。結束與丈夫一起經營的玩具店，孩子漸漸長大，閒不下來的亞Dee，開始在娛樂公司上班。生活在同一個城市，大家各有各忙，漸漸的，我們通電話的次數也越來越少。期間，聽過亞Dee說每日都拜神，好誠心。因此，與她分享誦經念佛的方法和好處，把所知的正信告訴她，很有佛緣，又有慧根的她，一一接受。
轉眼，專注修行及法門事務，二十多年過去，大家各有各忙，沒再聯繫。
今晚，到了殯儀館某禮堂，上香之後，到內堂看看先亞Dee。先亞Dee大體妝容化得很好，世壽約七十歲，往生了的先亞Dee仍是那麼美，那麼優雅，蓋着陀羅尼被，很安詳的躺着，像熟睡了一樣。
先亞Dee姊妹多，姊妹情深，還有的是，她們幾姊妹都長得很美，很和善，人緣很好。
法然師兄的表姊妹們親切的招呼我們，示意坐到她們那邊。法玄也就從客坐起來，向她們走近，坐在兩位表姊妹中間。大家閒談時，她們說幾姊妹都皈依了，又說曾聽先亞Dee提過法玄的事，問法玄是否也一樣（都有皈依）。法玄說自己是六壬弟子，萬宗歸一，任何正信宗教，只要是真心修學，都一樣的。時，坐遠一點的亞眉（化名），突然坐近她姊妹亞欣（化名）。亞眉隔着（亞欣）一個身位，向法玄伸出雙手，亞欣立刻代為發言：「亞眉早兩年，隻手生咗一粒好似暗瘡咁嘅嘢，跟住隻手就起皮膚病，而家好啲喇，（紅紅白白一達達）嗰啲係印嚟嘅。你幫佢睇下啦，我覺得係有啲嘢，我同佢講應該唔係皮膚咁簡單，無理由睇咁耐都唔好，實係有啲嘢嘅。成兩年喇。」
就在這個時候，見到有一個全身黑色嘅靈體縮形，抱住亞眉對腳，黐到實一實。
亞欣好緊張姊妹亞眉的事，接二連三向法玄說：「係咪呀？佢係咪有啲嘢呀？你幫佢睇下啦，你幫下佢啦！」
法玄望着亞眉：「你驚唔驚先？講俾你聽，你會唔會驚㗎？」
亞欣：「係呀？驚都咁話啦，知都好過唔知。」
面向亞眉，亞欣：「嗱係咪呀，我都話啦，我覺得係有啲嘢嘅！你真係好好彩呀（今日有人講到你咩事，知要點做）！」
亞欣：「你幫下佢喇！」
隨即，一把充滿怨氣的男聲，跟法玄說話，把跟着亞眉的因由，二人前世的恩怨，說給法玄知，藉此求解怨解脫。
男善靈一連串的話要說，法玄向身旁幾位表姊妹說一聲，有事要寫下，然後離座，坐回對面親友排座的椅上，繼續接收資料。
記錄完成，見到亞眉獨自站在禮堂門外的走廊上，法玄離開禮堂，走近她，把善靈所說的話告訴她。並再說明善靈想她為這位善靈念經做迴向。
法玄跟亞眉說最好立刻開始，49天經咒功德迴回給［黎亞超］。亞眉問法玄要念甚麼經文，說自己甚麼都不懂。在記錄善靈說話時，法玄知道善靈想收到《大悲咒》，如實告知亞眉。亞眉說這個太難，可否有容易一點的。法玄說可以在網絡上找到《大悲咒》唱誦版來跟着念，慢慢就會。亞眉說有沒有簡單些，容易些的，她很緊張的說太難的話真唸不到。問她 觀音菩薩的《心經》有否聽過，法玄唸了兩句，她說聽過，並說這個應該（容易些）都可以。法玄怕她不了了之，跟她說最好今日即刻開始，49天很快就會過去。
亞眉很緊張的縮起雙肩，再向法玄說：「我真係唔識，我驚自己唔記得，又驚唔識讀。」
法玄先教她唸迴向的一段話，說明重點是誠意。再跟她說念經持咒不難，堅持每日做，做足49日迴向給［黎亞超］往生淨土，幫到善靈，也幫到自己，這是很大的功德。亞眉再說怕自己不懂，不會唸。
「送佛送到西」，法玄隨即說：「咁我讀一句，你跟住讀一句啦！」一句一句，先教亞眉唸迴向，然後用手機在網上查到《心經》，開始唸。
亞眉說沒有帶老花眼鏡，字太細，看不清楚。法玄把經文字體放大，一句一句，亞眉很緊張的，一句一句跟着唸，很清楚。
該說的話，該做的事，完成了，比原意多留了一個多小時。向主家先亞Dee 鞠躬，其家人回禮鞠躬後，法玄與法然離場。
……………………
因應亞眉的請求，法玄教她迴向，如下：
誠心善信弟子郭榕媚
向 南無阿彌陀佛、諸佛菩薩、觀音菩薩拜請。
弟子有心無心，有知無知犯錯，傷害眾生，祈請 諸佛菩薩加持，並請善靈黎亞超原諒！
善信弟子郭榕媚誠心念誦經咒，
迴向善靈 黎亞超 願黎亞超萬緣放下、往生極樂淨土，永不輪轉。
南無阿彌陀佛
450 total views, 1 views today