2023年5月4日 04:10
呈現年青時的樣子，燦爛無憂的”他”笑着：「 師父啊，我好開心呀！
對唔住， 師父，阻你休息。我（今日）好早就想搵 師父，想同 師父傾偈。
係呀， 師父你而家見到嘅，係我最風光，最開心嘅時候（年齡），無憂無慮。」
仍是笑容滿面的”他”：「 師父啊，係呀，（我）好似執咗金咁，真係呢，開心到呢，講唔出（點樣形容）。
師父呀，我收到喇，收到個金（令）牌喇！終於可以投胎（做人）喇！」
突然間，”他”哭了，樣子也變了。”他”想起自己結束自己生命之後，”精神和肉體”受過的苦難，悲從中來。
突然，嚴肅起來：「 師父啊，好多謝你，大恩大德，沒齒難忘！
我終於等到喇，可以離開呢個鬼地方，可以重新做人，我真係好開心。感恩 師父咁幫我，我唔會忘記你嘅大恩大德，沒齒難忘。
師父，請保重！ 二哥（有很多人同行）嚟接我喇，多謝 二哥！感恩 二哥！
係呀， 師父！你睇到兩行好多人跟住 二哥嚟嘅，係我以前（在生時）啲Fans（都係已經離世），佢哋係嚟送行。知道我得咗，可以投胎，佢哋仲開心過我咁，真係有心，好多謝，好多謝佢哋！
師父啊！點解你咁多嘢做嘅？唔明，真係唔明。
師父啊！如果有來生，可以同你做兄妹就好喇。（到時）我哋可以一齊玩，一齊長大，（長大之後都）又一齊玩。真係諗下就好開心。
不過，邊會咁易㗎。雖然唔係無可能，但我知道 師父好多心願未完成，仲有好多嘢做，我哋再見嘅機會好渺茫。
師父啊，對唔住，攪到 師父無覺好瞓，真係對唔住， 師父！
師父，請你幫我同你個徒弟仔講聲唔該晒，真係唔該晒（幫手貼文）。祝佢前途似錦；跟住 師父，錦上添花。
師父啊，知你真係好忙，唔阻 師父咁耐喇， 師父，請早啲休息。如果仲有機會，真係希望可以再嚟見 師父，同 師父講多啲心底話。真嘅，我而家已經好滿足㗎喇！
二哥叫我快啲走， 師父真係要休息，嚟緊好忙，唔好再阻住 師父。
感恩 祖師爺！
感恩 伏英老師公！
感恩 佛菩薩同二哥！
感恩 師父！
快啲休息啦， 師父！
我以前（在世時，對宗教同因果）唔信㗎，而家真係好信。 師父講嘅：『有因有果』
阿彌陀佛！
感恩 師父！
（合十）徒兒拜退！」
跟着 二哥，兩行”人”伴着送行，離去。
04:49 畢
639 total views, 1 views today