2023年5月7日 01:26
「師父，係，係我哋，（我哋）唔知衰，厚面皮，以為自己好X勁，但見到 師父就腳軟。」
善靈知道自己講了粗言，立刻用手揞住個嘴，鬆一鬆肩，感到很不好意思。
「師父啊，其實我哋想搵 師父好耐㗎喇，但真係唔敢，驚聽到嘅料未必係堅料。」
這善靈那時的想法：呢個 師父真係有能力，幫到我哋班無主孤魂擺脫而家嘅慘況咩？又真係咁勁嘅話，會咁好心？會唔會唔係幫我哋，係打散我哋㗎？
「後來，諗諗下， 劈友都唔驚，驚個女人仔（ 師父）？自己同自己講，唔係吓嗎？ （去馬啦！）
師父啊，本來呢，我哋跟唔到（呢個冤親、事主）佢上嚟（壇）㗎。（因為 賀誕大日子）樓下（大廈門口）已經有幾位護法守住，成條街都有守護使者，我哋都係諗住博下懵，試吓，睇下得唔得，過唔過到骨⋯⋯
唔使講， 師父都知喇，梗係衰咗喇，超級瘀皮。
後來，我哋成班等咗好耐，唔知幾耐，有個𡃁妹，瘦瘦哋嘅，佢上壇，我哋試下跟住佢，得就得，唔得就算，冇偈㗎！
點知，真係得咗，就係咁囉，成班上到去，搵返個竇口（之前本來宿主、事主），呢，嗰個衰婆（事主）呢，係喇，就係佢喇。咁唔使問亞貴，黐返佢先喇。
點知，突然間，覺得唔對路， 二哥（先師）兜巴冚過嚟，閃都閃唔切，嘴都歪埋。我條氣梗係唔順喇，即刻整個鬼死咁肉酸嘅樣嚇（ 二哥先師）佢。點知（我）就好似踩咗屎咁， 二哥（先師）再一巴打過嚟，（ 二哥先師仲）話我：『知唔知自己幾斤幾両。』
（我仲未知死，同二哥講）『挑，我使驚（ 二哥先師）你，你喺乜水啊！』
嘩（我講完之後），衰過踩屎， 二哥即刻伸手請咗壇上個葫蘆。
弗一聲，（喺壇升起飛過嚟嘅）葫蘆喺（ 二哥先師）手。
嘩，真係嚇死寶寶（我），個葫蘆變咗（大兩三倍）透明咁，仲睇到當年 師父收咗一件入去嘅過程。」
在這裏，法玄補充一下：葫蘆裏面呈現廿幾年前的影像，當年有一惡靈，冥頑不靈，終被 祖師爺下令消滅，永不超生。
「知道呢鑊穊*（撻撻）喇， 瀨嘢（中伏）喇。
嚇到我走都走唔切，又怕啲𡃁（遊魂手足）唔醒目，（反應慢）走唔甩。咁我咪大聲喝佢哋（走）囉⋯⋯
感恩 師父慈悲，咁攰都俾機會我哋，聽我哋講（事主佢嘅衰嘢）。
師父啊，我哋『呢班人』裏面，有一個係佢阿媽。佢阿媽係要嚟攞佢命，話生得佢出，整返死佢，都係得嘅。
唔係，唔係呢一生嘅亞媽，係前前前生嘅亞媽。
（前三生。事主）佢貪威識食，夾埋啲人呃佢亞媽啲錢，俾佢亞媽知道咗。佢就話，就話係錯手打死佢（亞媽），（佢）係錯手咩？ 師父，（佢）殺人喎，（殺咗）亞媽喎！真係，狗都不如。係佢亞媽同我講，求我幫佢（報仇）。佢（亞媽）知道我（生前死後）有啲料（惡勢力），唔眨眼，又有雷氣，所以話肯跟住我，做個跟班，咩都肯制。
師父啊！講講下，（事主三世前）佢亞媽（突然條氣順晒）話算數喎，由得個死女包自生自滅，自己因果自己孭返喎。
咁⋯⋯
師父，知你真係好攰要休息，唔講喇！
多謝 師父俾機會，我哋而家成班跟 二哥（先師）去報到喇， 師父保重！
想 師父幫我哋同（事主）佢講，我原諒咗佢喇！聽到 師父講嘅嘢，我哋覺得自己好樣衰，超級樣衰，（不自量力）唔知衰。
師父，唔講啦，（知道） 師父真係好攰呀，好好休息。打擾 師父，真係唔好意思，對唔住，今日 賀誕，都俾時間我哋！
真係好多謝，係，係感恩，感恩 祖師爺！感恩 伏英老師公！多謝 二哥，感恩 二哥！多謝 師父，感恩 師父！
如果求到多一個機會嚟見 師父就好喇！多謝 師父！感恩 師父！
南無阿彌陀佛
係，師父，我係賣魚勝。」
02:26 畢
資料補充
恭賀 伏英老師公寶誕請神，差不多完成時，亞佩突然在人群中大叫：「走呀！」隔了約3至5秒，聲音小了點，再叫：「走呀！」
請神儀式完成後，亞佩突然倒下，全身乏力，不醒人事，站在她身邊的家人立即扶着她， 師父見狀，立命弟子拿椅子給她坐下，又命助教法現師兄和法應師兄以本法門的三行印扶着她，只見亞佩雙眼緊閉，眼角流淚，狀甚痛苦。
師父命弟子按原先安排派發結緣品，跟着迅速疏導在場弟子和善信，只留下亞佩的家人和4名弟子， 師父旋即用法替亞佩封身，完成之後讓亞佩靠牆坐在地上休息，並命弟子替她塗 祖師爺油，亞佩開始慢慢清醒。
師父問亞佩覺得怎樣，她說見到柔和金光，個人便變得好舒服， 師父解釋這是上天慈悲，給她感受；而對於她在請神時兩度大叫「走呀」，亞佩並不知情。
穊：粵音「傑」，與「稀」相對，「呢鑊穊」是廣府話俚語，形容事態麻煩。
835 total views, 1 views today