2023年10月12日 15:36
一名年輕女子（靈體），身高約1.53米，穿着紅黑色的破爛衣服，黑色的披頭散髮，蓋着兩邊臉龐，只看到三份一的臉容十分蒼白，雙眼流着血水，狀甚恐怖。
這女靈體站在餐廳外面，近近的貼着大玻璃，凝視着我們。從她悲怨而冰冷的神情看得出，她有寃情，想向法玄訴說。
「師父呀，多謝你！我唔貪心，唔敢貪心。想話俾 師父知，我好慘呀，死得好慘！
我唔係住呢度（這區），我係跟住個衰人嚟到呢度。之後跟跟吓唔見咗佢，搵唔返佢。
師父，我係廣州人，自少離家，去咗深圳住。深圳有好多機會（搵錢），同時間亦有好多機會犯錯。
我識咗一班好食懶飛嘅人，廿三歲就學人偷呃拐騙。
跟咗個肥佬，以為佢好有錢，點知原來得個殼。（幾個月）之後，遇返一個（男）同鄉，佢細我兩三年，（佢）嚟咗廣州，去咗東莞，然後又去咗深圳。我哋遇返嘅時候，佢身光頸靚，成日帶我四圍去食嘢。
日子耐咗，同佢上咗床，佢教我吸毒，話好舒服，好似神仙咁。我被所謂嘅愛情，沖昏頭腦。但其實，我哋有性冇愛。
對唔住，阻住 師父（食嘢）！
師父，多謝你俾機會我講嘢，多謝 師父俾機會我！
我嘅經歷好慘痛，但太似粵語片，（又俗套又長篇，）唔想講咁多阻住 師父！
師父，知道唔可以跟住 師父，但係，咁難得機會見到救星，真係唔可以放過。
師父，請你幫吓我，我唔想再留喺度，想⋯⋯如果可以，想再投胎做人。然後，如果再遇返呢個衰人，我先攞佢命。
係，師父，知道我唔應該咁諗，咁樣已經係思想犯罪，好錯，對唔住！
師父，（我唔應該有報仇索命嘅諗法，）收到喇！多謝 二哥！ 感恩你哋 祖師同菩薩！」
話畢，見到善靈收到一支旗，藍藍綠綠色的，有紅色字，但看不清楚字和符號。
「我而家跟 二哥走喇！多謝 師父！感恩 師父！」
剎那間，見到善靈變了樣。換了一套新衣服，頭髮整整齊齊、乾乾淨淨，就像是個中學生一樣。那白淨的肌膚，感恩的微笑，臉頰上兩粒深深的酒窩。所呈現的，是她生前未學壞的樣子，清純甜美。
年約三十歲的善靈合十，跟着 二哥，很快消失了。
南無阿彌陀佛
16:00
420 total views, 1 views today