2023.11攝於江西龍南
2023年11月9日 19:06
［亞煊］合十：「有咩想講？冇喇！呢一生人不過不失，咁就過咗去。
都幾好呀！仲想點啊！」
「看上去」好平靜，心態很平和，呈現在生年輕時一樣的語氣和神態，［亞煊］繼續分享。
「病緊嘅時候，有心理準備，生老病死，係咁㗎啦！但仍然會覺得會好返嘅，未死得嘅，（話死就死）咁易咩！
但又好奇怪，病吓，瞓吓醒吓，不知時日，好容易諗返起後生嗰陣嘅嘢。講真，無悔㗎喇！
原來，一生人話過就過，話死就死，話冇得留低就冇得留低。要過（咗一生），講真，我真係覺得冇咩所謂（真係冇咩留戀）。
師父，我哋都好多年冇見喇，你做咗 師父之後，廢寢忘餐，我真係好佩服你。」
［亞煊］真誠的豎起手大拇指。
「師父，不如您食啲嘢先啦！
（唔緊要，你講啦！）
好，真嘅， 師父，過咗去就冇得追悔，『早知今日，何必當初』。
如果早啲知道學道、學佛好，係真好，係真係好好，我就應該早啲聽教聽話，早啲聽勸，及早做好準備。喺差唔多夠鐘（離世）嘅時候，原來喺會知道嘅，只係半昏迷狀態，想同家人講再見係講唔到嘅！
好想同家人講聲自己要走先喇，過往做得唔好嘅地方，好想同佢哋講聲對唔住！如果有來生，又可以再做一家人，我會好好珍惜，會認真學會去愛同包容。
師父，話冇嘢講，講吓講吓，原來都真係好多嘢想同 師父講。
首先，多謝你哋嘅 祖師爺同（伏英老）師公！多謝 二哥嚟搵我，（當時我）一頭霧水，唔知邊位大神，好似做大戲，着住官服，好有官威，好有震懾力。
（二哥）一見到我，打開（右）手掌，空白手心出前 師父同 師伯張相，我即刻知道係咩事。 二哥好莊嚴，好慈祥嘅微笑。無開口講嘢，但意會到 師父會見我，我要有心理準備，等等先。
終於， 二哥再嚟，但係， 師父咁忙，我都真係好唔好意思，對唔住，多謝，感恩！
師父，身體健康好重要，多啲休息，好好保重！終於明白咩叫有心無力，點解咁耐無機會見。都係有先後緩急次序嘅！死為大，死咗啦，又好彩有 二哥嚟搵我，我又竟然可以優先見到 師父。感恩 二哥！感恩 師父！
好感恩 祖師爺同（伏英老）師公！感恩所有佛菩薩！
都係嗰句，話冇嘢講，又覺得仲有好多嘢想講。 但係唔想阻住 師父， 師父休息吓， 師父幫我同（法然）師伯講聲多謝晒，請保重！來生如果有機會，再做兄弟，如果可以，做真兄弟就梗係最好啦！
師父，請保重，多啲休息！」
［亞煊］由抱拳轉合十，誠敬拜退。
19:49
師父寄語：
生死事大
活久了，有人會忘記生死有命。
活久了，有人會忘記生死就在呼吸之間。
「如果早啲知道學道、學佛好，係真好，係真係好好，我就應該早啲聽教聽話，早啲聽勸，及早做好準備。」
［亞煊］這番說話，語重心長，很值得我們深思。
431 total views, 1 views today