2023年12月31日 13:33
怨靈：「(佢)憑咩可以埋壇拜請 祖師爺！罪孳深重！仲衰過食屎狗，連幫 師父執垃圾都不如！多謝 師父！而家唔講喇，起碼用一個鐘頭寫……」
2023年12月31日 13:35
一邊大哭，一邊大聲叫喊：「 師父啊⋯⋯ 師父⋯⋯
師父，您替我申冤啊⋯⋯ 師父！
不知廉恥嘅人，點解可以大模廝樣，走入 師父（供奉 祖師爺）嘅壇，拜請 祖師爺同菩薩？公平咩？合理咩？我唔眼閉啊⋯⋯ 師父！
我同佢無冤無仇，仲整死我，斬到一嚿嚿，煮熟咗，用嚟餵狗啊⋯⋯
我係一個苦命人，早出晚歸，家有老小。有晚，半夜因為咩事，唔記得，行夜路，十指不見。行行吓，聽到草叢有啲聲，行慣夜路，鬼都唔驚嘅人，最驚遇到賊。我停住腳步，前後左右望真啲，冇嘢，繼續急急腳行。
突然，撲咗個人出嚟，用個袋笠住我個頭，搶咗我個包袱。我死命掙扎，要搶返個包袱。我越掙扎，佢就越係（對我）拳打腳踢。我唔要命都要保住呢個救命錢。
師父！原來，要死，真係話都冇咁易。我都唔知點樣，咁就死咗。死咗之後點樣，我都唔係即刻知。最後，都係知道咗，嗰個衰人，搶咗我嘅錢都未夠，整死埋我。為咗毀屍滅跡，竟然斬開我十幾碌，幾十碌，用個大鑊嚟烚，嗚⋯⋯嗚⋯⋯ 嗚⋯⋯
師父，點解我要死得咁慘？佢又點解可以做人？我唔明，好唔明。
師父，我都係搵咗佢好耐好耐，終於跟到佢。點知，俾人（天兵）的咗我走，叫我唔好攪事。
我又再等。等呀等⋯⋯ 等呀等⋯⋯
點知，竟然等到佢念經念佛。
我好嬲，冇得追佢填命。嬲又點？唔通死咗佢咩？死完有得再死咩！
好彩，個衰人口沒遮攔，有時又講吓衰嘢，聽到鹹濕嘢又笑，鹹鹹濕濕咁，衰到冇人有，正衰人！
師父，人，點會咁易變㗎？唔係死到臨頭，都唔知自己無得救。我都試過啦！差唔多要斷氣嘅時候，我好後悔，點解為咗搵錢，咩都夠膽做，走私運毒，我咩都夠膽。
係，我個外號就係咁得返嚟，沙膽標。或者，就係咁囉，惡有惡報。遇到個死窮鬼，竟然死喺佢手上，我條氣真係唔順。
師父，如果有來生，我唔會再做壞人，我會好好珍惜同家人嘅相處，會馬死落地行。
同 師父講咗咁多，我舒服晒，開心返晒！多謝 師父慈悲！感恩 師父！
多謝 二哥先師教化：『自己講過（要改）嘅嘢，自己要記住；要講得出做得到。』」
冤靈又再哭起來：「 師父，您真係好好人，唔嬲我，冇鬧我，仲咁有耐性聽我訴苦，我好感恩啊！又覺得自己樣衰囉， 師父都講過啦！『真誠懺悔，誠心念經念佛嘅人，堅持一段時間，冤親債主（漸漸）會覺得自己樣衰，會慚愧，會離開，唔會再滋擾嗰啲衰人（事主）。』
師父，多謝 師父！感恩 師父！ 師父，請您老人家多多保重、注意休息、食好啲，着好啲，唔好咁辛苦，唔好咁操勞！
係嘅，講完都覺得自己唔知醜！但我係好真心、誠心多謝 師父㗎！ 師父請保重！
我而家跟 二哥（先師）走啦！多謝 師父慈悲無怪（責），仲俾機會我跟 二哥走，多謝 師父！多謝 二哥！
感恩您哋嘅 祖師！
感恩 祖師爺！
感恩 師公！
感恩 菩薩！
感恩 二哥先師！
感恩 師父！
感恩 （昨天在壇見到的）所有人！
多謝個衰人，唔係，係多謝嗰個咩人帶我嚟見 師父，多謝晒啦！」
最後，怨靈合十：「感恩！」
資料補充
2023年12月30日，還神日，澳門總壇，鮮花貢品，準備就緒，距請神預定時間還差十數分鐘，弟子善信們都肅敬等候，善信亞佩(化名)突然在壇前大叫「走呀！」轉頭查看，只見法應師兄雙手緊按外母亞佩兩肩*，而亞佩，雙腳站直雙手合十向着壇，身體僵硬，緊閉雙唇，兩眼瞪大但沒明確焦點，沒半點表情，木偶人一樣；助教法靈師姐旋即離壇通知 師父，弟子期間跟亞佩說往壇外坐着等候，卻得不到她半點回(反)應，「他」根本不肯離開壇。
師父到壇，看見亞佩，即命令亞佩跪下，並且慈悲地跟「他」說，還神吉日不容「他」在壇放肆，命「他」到壇外露天地方，又命弟子拿櫈子給亞佩坐下，請神儀式，如期進行。感恩 師父！
請神期間，坐在壇外的亞佩很安靜，身體間歇地搖晃，請神完畢之時，但見亞佩不住點頭，當請神圓滿進行後， 師父開示弟子、善信、眾生，期後 師父詢問亞佩上壇時的感覺，亞佩語調回復正常，身體也回復柔軟，說：「今日最初入到嚟(壇)我無感覺，跟住出到呢邊(壇外)掛完個袋(安置好隨身手袋)，跟住我就同我大女講我好似好唔妥……
來總壇前幾日，誦經就好唔順，一合十，就成個人都好搖，雙腳又好似企唔穩咁，跟住呢……(背)後面啲衫又好似郁吓郁吓咁，但係我著果啲衫係直㗎嘛，又冇風，無理由……(衫)點會郁吓郁吓呢……頭先上到嚟我一啲感覺都冇，我係企喺果度果個位(手指指向圍欄開外方向)開始就……唔知點喇……好似標汗*咁，跟住我就同我大女講我好似嚟料，跟住我就行入去(壇)搵大女婿(法應師兄)，他就叫我念佛，跟住我就嗌咗一聲「走」……我有意識，我好有意識，我嗌佢走……跟住 師父喺度……請神果時，我合十，對手同個頭呢……係咁搖係咁搖，不停咁搖，我淨係知道大女婿同個女喺後面㩒住我(雙手指着兩肩)，我就係咁郁……我係咁望住 師父，跟住我隻眼係咁望住 祖師爺果時，個頭就係咁岌*，啲手就不停咁郁(雙手合十打圈)……」
師父解釋說，亞佩不停點頭，其實是 祖師爺正在教化她，她點頭即是說她的靈識知道，但她本人並不確切知情。
亞佩續說：「我頭先企喺入面(壇)，隻(對)腳係唔走，大女婿嗌我，拉我，我隻(對)腳係唔想郁嗰喎，直情係拉唔郁我嗰喎……」
師父解釋，因為冤親債主是很難得上到壇，能夠到壇時，一方面是想求 祖師爺、諸佛菩薩幫他，另一方面是希望得到加持，眾生(冤親債主)是沒有可能接近法壇，所以剛才亞佩在壇前，雙腳重如磐石，像鐵一樣，不能郁動，「聚住」，便是冤親債主不想離開壇，想在壇逗留。
亞佩：「感恩 祖師爺，同感恩 師父！因為我頭先一路係咁望住 祖師爺，我覺得自己果隻眼呢……好似好大咁望住 祖師爺，啫係好似好多謝好多謝 祖師爺咁樣。」說罷亞佩微微一笑。
師父續強調，記得做功課，每日都要誦經，要食清點，要感恩，要迴向。自己要爭取這個機緣，珍惜每一日，掌握在這一生的時間內，勤做功課，求生淨土。每晚休息之時，誠心感恩 祖師爺，感恩 伏英老師公，感恩 諸佛菩薩，一覺醒來都要感恩，也要感恩身體每一部分。
若然曾經知道自己犯錯，或者不小心犯錯，或者覺得不知道自己有否犯錯，一樣可以誠心懺悔。「誠心懺悔自己多生以來，弟子有心或無意做了錯事，傷害過眾生……」
日子久了，慢慢便會覺得自己是好渺小，渺小到甚至連細菌都屬於大，渺小到自己是根本是不存在，但實在我們亦是存在，所以千萬別將自己放大。
法靈師姐看到亞佩步入壇時腳踭離地。
標汗：出汗
岌頭：即點頭。
延伸閱讀
《晴明錄》我係陳福水
《晴明錄》我係陳福水個家姐
《晴明錄》 自己因果自己孭返
291 total views, 1 views today