2024年3月7日 凌晨零時47分
今天是先弟子麥金彩法力往生第49天。
先法力：「 師父！見到你哋家人好溫馨，我好羨慕，真嘅，有緣又有福嘅人走埋一齊，做一家人，真係好好，好幸福。感恩 師父！多謝 師父！
師父，本來唔想咁夜打擾 師父，但見 師父一直都唔得閒，我真係唔好意思騷擾 師父！ 師父真係好忙，太忙啦，要爭取時間休息先得㗎！
師父，您好叻，我知道 師父學咗唔係好耐，但頭先聽 師父彈古箏，（先法力很開心笑着)真係好好聽，好好聽（豎起大拇指）！可惜，我無福，無得跟住 師父一齊學，一齊享受（過程）。知道而家都有幾個師姐學緊，我聽到都好興奮（先法力燦爛的笑着）。
師父，多謝您同 師伯送我嘅手鈔經，我收到晒啦！好感恩，好慚愧，好感動！多謝 師父、師伯，感恩 師父、師伯！
師父，原來，一生人好快過（去），好似眨眼之間，就咁過咗！
好感恩今生遇到 恩師法玄師父，對我不離不棄！無怪我唔生性，成日扭計，唔係呢樣就嗰樣。多謝 師父無怪我，仲成日鼓勵我哋由頭開始，好好學習。
好懷念同 師父一齊食飯，喺壇做嘢嘅日子！當時曾經埋怨過，點解 師父放其他人走先，單獨留低我喺度同 師父一齊做埋啲手尾。到而家，明白晒，但都已經太遲，無機會親身面對面多謝 師父教道之恩、救命之恩！多謝 師父！感恩 師父！
仲有好多嘢想同 師父講，但又覺得再講就好長氣，又阻住 師父休息，對唔住， 師父！
夜啦！唔好咁操勞，早啲休息，請 師父保重！
多謝 師伯、師叔、師兄、師姐們，大家嘅心意我收到晒！（感恩 師父提醒）多謝我嘅家人，（家人）你哋都要保重！唔使掛啦，我會一直跟住 師父學道！ 祖師爺要我跟住 師父，俾機會我睇清楚啲 師父有幾忙，同點解咁忙。 祖師爺話，如果我跟得好，學得好，俾我快啲返嚟，再見返家人同親友。因為 祖師爺知道我好多心，又掛屋企人，又想幫人，又想好似 師父咁叻，咁好人。但，我有諗過，真係唔再返嚟，將來大家喺上面見。
我明白 祖師爺意思，等我死咗條心，唔好成日以為自己好叻，（以前）成日覺得如果我係 師父，我就唔會咁做。 祖師爺慈悲，想我睇清楚，一切都唔係表面咁簡單。我相信，咁樣咁近距離跟住 師父，我一定會學到好多嘢。
感恩 祖師爺！感恩 師父！感恩 二哥同 菩薩！
感恩 祖師爺！感恩 伏英老師公！感恩 師父！感恩 二哥！感恩 菩薩！
師父，凍咗，早啲休息，感恩 師父！多謝 恩師！
南無阿彌陀佛
愚徒，劣徒法力拜別 師父！拜謝 師父！」
先法力誠敬合十
01:31
435 total views, 1 views today