2024年3月12日 清晨5點03分
先弟子麥金彩法力往生第54天。
先法力：「 師父，對唔住！
一向自以為是嘅我，真係冇顏面見 師父！
睇上去好簡單。似明非明，覺得 師父好叻，其實原來唔係；係我哋好無知，用咗好俗世嘅形容詞嚟形容 師父，係好無禮貌。 師父唔係『好叻』，係慈悲。
我就係未死，無往生，再跟 師父十年，唔係，係十世，都學唔到 師父做人同處事嘅態度，更唔好講話係修道。
師父，點解您可以做得到？
得咩？面對咁多無理又無禮嘅人……當然，我曾經係其中一個。
得咩？點解？可以咁忍讓嘅？
我好慚愧，越睇越慚愧，越知越覺得自己冇面面對 師父，冇資格做 法玄師父嘅徒弟。如果有來生，可以再見到 師父，可以再做您徒弟，我會不惜一切，保護 師父，希望可以將功贖罪。
師父，原來要做好一件事真係好難，要做好一個人又係好難，要做個好 師父，真係唔容易。
師父……
本來有好多嘢想講，想同 師父懺悔，想講俾 師父聽我知道 師父為我哋做咗咩，我哋又有冇為 師父真係做過咩。我哋最叻，都係請 師父食飯……然後問嘢！
師父，唔使咁好人㗎！好心未必有好報！雖然……當然……師父不問回報。但太好人，太攰啦！
師父，講啲開心嘢俾您聽！我尋日跟 二哥去拜見咗 法青道長（法玄先父）。道長好慈悲，陪我傾咗好耐偈。我好開心，可以見到 師父先父，覺得自己好好彩，好有福氣。
多謝 師父俾呢個機會我！多謝 祖師爺！感恩 祖師爺！感恩 師父！感恩 二哥！
師父……
如果，可以再做 師父弟子，我一定會好珍惜，唔敢再曳，唔會再對住 師父發脾氣！對唔住， 師父！多謝 師父原諒我，俾機會我繼續跟住 師父學道！
師父，如果可以，我會繼續跟住 師父，直至 師父趕我走為止。
師父，真係唔好咁操勞，身體要緊，要多啲休息，咩都唔好做喇；要做，留返俾啲徒弟做喇，應份嘅！
師父，對唔住，騷擾 師父休息，對唔住！
等 師父精神啲，我又再做好啲，再搵 師父傾偈。
感恩 師父！多謝 師父！
感恩 祖師爺！
（感恩）
伏英老師公！
諸佛菩薩！
二哥、表哥、德哥！
林法清道長！
榮哥！
南無阿彌陀佛」
先法力合十躬身退下
05:38
329 total views, 1 views today