引子：於2000年，黃霑博士舉辦了一個有關創意與創造力的講座，席間論及下一個世紀(21世紀)的情況。
「仲有250日就到21世紀，21世紀會係個咩世界呢？無人可以預測未來嘅，我更加無資格，不過，從我哋所知嘅資料，我哋大約可以估到，21世紀會係一個距離消失嘅世界，因為人人都上網，通internet，國際電話就越嚟越平，一定會人嘅距離消失，咁我哋嘅生活會點呢？我哋使唔使返工呢？會唔會就係人人喺屋企一部電腦咁就掂呢？返工唔使塞車啦，我哋返工係為咗見吓啲同事，同啲同事食餐lunch㗎咋，乜嘢都喺屋企咁攪掂喇，home office呀，咁得唔得呢？Digital compression，數碼壓縮嘅技術，係令到喺衛星射一個signal落嚟，就可以容納16個電視台，16個頻道嘅資訊嘅時候，我哋好容易喺屋企嗰部電視收到500個channel㗎，咁嗰時嘅世界會變成咩世界呢？(資訊如海)。 喺20世紀都已經出現嘅問題，喺21世紀如果都解決唔到，一定仲會積累㗎，排污問題，環保問題，戰爭問題，一定會問題越嚟越多，問題如山㗎。
我哋想好好活喺21世紀，一定要運用我哋呢個好資源(指指腦袋)，好好哋用我哋嘅腦，大家一齊去諗諗佢。今日開始就諗諗佢。真係要諗諗佢㗎。」(1:23:26-1:25:46)
黃霑 創意與創造力講座 Innovation and Creativity (2000年)
338 total views, 1 views today