2025年3月11日 22:19
「師父您好！ 師父，請您大發慈悲幫下我啦！
我係亞志。係，嗰日係我拍部車，幫 師父睇位，係，我就係嗰個管理員。
我係點死？唔記得。係病死？係跌死？係跌親然後病死？好似係，係咁。
師父，我一生人無做錯嘢，無做衰嘢。
錯就係錯在自己有眼無珠，識咗一個所謂義氣仔女（男性朋友），俾佢呃晒我啲錢。到我有病，追佢還錢嗰陣，佢仲樣衰衰咁，話我有證據就去告佢，無就唔好阿吱阿咗。
我真係嬲到講唔出，佢落難嗰時，食我，住我，着我嘅都算啦，仲四圍唱我（男性功能）唔得（所以老婆走路）。呢啲，都係好後期，差唔多死嗰陣（我）先知。
師父，世界可以咁嘅咩？親情、友情、人情，都係假嘅。
師父，我好羨慕你班徒弟，個個都咁乖，又有禮貌。我有試過整蠱佢哋，佢哋唔嬲，無發脾氣，真係得意。
師父，我唔想再流離浪蕩，我想， 師父可唔可以幫吓我。排隊都好，有機會離開呢個地方。無日無夜，無時無刻，日子真係好難捱。多謝 師父！感激 師父！
師父咁忙都幫我哋，我哋真係好好彩。
（二哥先師出現。）
師父，如果有來生，我好想做您嘅徒弟，可以親近 師父，可以跟住 師父學法，可以有機會脫離六道（輪迴），真係好有福。
師父， 二哥菩薩嚟咗，我跟 二哥菩薩走啦！多謝 師父慈悲！多謝 二哥菩薩！
多謝！（二哥先師教）係，係感恩 祖師爺！
感恩 師公！
感恩 菩薩！
感恩 佛公！
感恩 師父、師伯、師叔、師兄、師姐！
師父請保重！多休息！
南無阿彌陀佛」
22:39 畢
補充
整蠱事件：祈福當晚約十時許，有弟子乘搭剛更換的新客𨋢返館，到達18樓，同𨋢而不是我們認識同行的一群人出𨋢後，𨋢門竟久久未能關上，𨋢就卡在18樓，於是該弟子等人，出𨋢轉乘貨𨋢返館。
事緣
弟子記錄
1/ 2025年正月，黃昏到館樓下接送 師父、師伯，在館大廈停車場出入口準備倒車，突然「拍」一聲，心感是有人拍了一下車尾示意車子後面沒有障礙物，可以向後駛了，望望倒後鏡，是那位好心人？倒後鏡看不到人，左右後鏡看不到人，回頭查看也看不到人。 師父當時亦在車上，而 師父清晰聽到「拍、拍」兩聲，意會是有「人」幫手「睇位」， 師父也轉頭兩邊張望，當然，也看不到任何蹤影。
2/ 2025年年頭農曆年年尾，在館準備來年祈福事宜工作至深夜，整個晚上館門外機房不間斷的傳出齒輪運作聲嚮，轟隆轟隆，顯示貨𨋢不停運作，上上落落，心想，周末仍要這麼頻密地上落貨， 師父留館夜宿時未免太被滋擾了⋯⋯但再細心想，平時夜間好像沒這麼嘈吵吧⋯⋯
凌晨，工作告一段落，回家，心想，要留意一下轟轟作嚮的貨𨋢，到底是那些人仍深夜工作呢？到達地面，那架貨𨋢，是空的，停在地面，門（舊式貨𨋢，𨋢門需用手拉去閂或開）是拉開的，𨋢門外位置空空如也，根本沒人上落貨。轉身離開，「見」有一「男人」就在𨋢內，面色死灰，一如既往，想找 師父。貨𨋢整晚不停轟隆轟隆，目的便是要引起注意，求救。弟子隨後向 師父匯報。
翌日下午回館繼續工作，該「男人」揮揮手打招呼，狀態好像好很多，可能是因為 師父知悉了這個個案。
111 total views, 1 views today